يا قلبى بدرى
حبيت الحب من صغرى
حتى قالوا ليا لسه عليه بدرى
لكن الحب وليد بيكبر وما بيدى
يا شمس حبى لا تغيبى
ولا تخلفى فى يوم مواعيدى
لفى بايدك دنيتى
وارسمى تحت الشجر فروع عيدى
وعود أخضر يصير عصا سحرية بايدى
ويصير حبك دنيتى ولقاك بايدى
......
قالوا لسه بدرى
ليه مستعجله الحب لسه عليه بدرى
قلت ما بيدى
غلبنى الشوق والعشق صار بدى
أستنى طول النهار تحت الشجر وودى
ألقى حبيب ويلقانى ويعرف ما بدى
ويقولى بحبك وأقوله بحبك يا بدرى
وتظلنا شجرة ورفيقنا عصفور زهرى
وطريقنا بالعطر ملون بلون وردى
ومهما تطول بيا سنين انتظارى
أقول الصبر لسه عليك بدرى
أستنى وأستنى حتى لو قالوا العمر بيجرى
لساته القلب دايب فى الحب ومستنى
يتمنى بس شوفتك يا نن عينى
وأكحل بالحب بدل السهر عينى
وألبس توب الفرح ساعة
وأنسى مع الفرح مرارة صبرى
وأقول للحب لو لحظة لا تعدى
لسه لسه يا قلبى بدرى
ليست هناك تعليقات:
إرسال تعليق